台灣各地民俗講座《冥陽兩利牽亡歌》

逐家敢有聽過牽亡歌？
恁敢知影，牽亡歌的工夫，有偌呢仔講究？
​
牽亡歌，是早期臺灣社會的喪事當中，替死者引路的重要儀式。這馬，煞愈來愈稀微。毋過佇臺南後壁，有一陣「風中燈牽亡歌團」，猶閣咧傳承這項古早的文化。in的主力人物，就是咱園區今年最後一場臺灣民俗講座的講者，林宗範老師。
​
林宗範老師絕對是行動派，伊對學師仔到今，毋但家己做琴，嘛家己出去做場。前年，風中燈歌劇團代表臺灣去到巴黎文化奧運表演，又閣是伊親身改寫歌白。遮呢無暝無日，就是欲予臺灣媠氣的傳統，去予全世界熟似佮欣賞。
​
濫著文學、戲曲、佮宗教的牽亡歌，到底包括著偌濟精彩的內容？遮的儀式背後，有啥物款的意義欲傳達？趕緊來報名，聽少年國寶，林宗範老師按怎講。